Txangoaren prezioa 25 eurokoa da. Diru-sarrera Euskadiko Kutxako kontu korrontean (3035 0067 6606 7006 2588) egin beharko da. Izena emateko, berriz, telefonoz (94 491 43 57 / 605 73 99 16) deitu edo posta elektronikoa (egizugetxo[a bildua]yahoo.com) bidali behar da.
Hauxe da egitaraua:
- 9:00etan, Algortako Kirikiñon hartuko dute autobusa. Handik Erandioko berbalagunak hartu eta Bilbo aldera abiatuko dira.
- Goizean Iruña-Veleia aztarnategia ikusiko dute.
- Ondoren, Gasteizeko garagardotegian menu ederra bazkalduko dute.
- Arratsaldean, bi plan aukeran: Gasteizko katedralean bisitaldi gidatua edota lasai-lasai pote batzuk hartu (Katedrala ikusi nahi dutenok izena ematean esan beharko dute).
- Arrastiko 8ak inguruan Algortan izango dira bueltan.
Abenduaren 17an, igandea, Iruña-Veleia aztarnategia bisitatzeko irteera bateratua antolatu dute Getxo, Erandio, Deustua eta Mahatserriko berbalagunek. "Gure asmoa da, azken aldian hain ezaguna bilakatu den aztarnategia, bertatik bertara ezagutzea, baita aurkikuntzen, historiaren eta sortu diren polemiken berri izatea ere. Domekarako planik ez duzuela? Etorri gurekin ba!", adierazi du Rozio Luzes Egizu Getxo Euskaldun! elkarteko koordinatzaileak. Argazkian, Valentina etxea. Bertan topatu zituzten euskarazko testu "polemikoak". Irudia Jabi Zabalak egindakoa da eta gehiago ere baditu hemen klik eginez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun