Hamar bat gaztek parte hartu dute gaur eguerdiko ordu batetan Sopela eta Urdulizko Gazte Asanbladak (SUGA) antolatutako kontzentrazioan. BBVA eta BSCH banku-etxeen parean egindako mobilizazioan, gazteek Sopelan burutzen ari den espekulazioa salatu dute. SUGAk lortutako datuen arabera,egun 604 etxebizitza huts daude Sopelan (604 etxebizitza hauek ez dute argindarra eta uraren kontraturik). Kopuru hau, Sopelako etxebizitza kopuruaren %10a da. Gainera, etxebizitza horiei uda aldean soilik okupatzen diren etxebizitzak gehitu behar zaizkie.
Horri aurre egiteko, SUGAk kontzentrazioak egingo ditu hilero, Urdulizen eta Sopelan txandakatuz. Bestalde, datorren zapaturako SUGAk II Truke Azoka antolatu du Sopelako udaletxearen plazan, eguerdiko 11ak inguru. Bertan, produktuak trukatzeko aukerea izango da, erosketak egiteko modu berezi eta antikontsumista sustatuko delarik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun