Bertso saioaren zehar, txapela nork eramango zuen zalantza etengabe plazaratu da. Besteak beste, Etxahun Lekuek hori ikusteko zegoela esan du. Fredik, berriz, bere kopeta gainean ikusi du eta autografoak nonahi sinatzen eta bizkarzainak babestuta irudikatu du bere burua. Burua ere izan du gaia Xabik eta Onintza Enbeitarekin batera zirugia estetikoa zihoala burua txikitzea eskatu du, txapela hoberen sartzeko. Bere agurrean Fredik zoriondu du Xabi “little big brother” baina ohartazi dio bi urte barru txapela logelatik aldatzera etorriko dela bueltan.
Gaiaren inguruko berriak:
Gazteena txapeldun (Berria)
Zorionak! (Berria)
Xabier, txapeldun Berria (Deia)
Xabi Paya txapeldun, azken urteotako Bizkaiko finalik lehiatuenean (Gara)
Bertsorik onenaren saria Iratxe Ibarrarentzat (Gara)
Xabi Payak eskuratu du Bizkaiko txapela (eitb24.com)
Xabier Paya, el aspirante más joven, gana el trofeo de bertsolaris vizcaínos (El Correo Español)
Igor Elortzaren oinorde gisa, Xabier Paya algortarrak jantzi du gaur Bizkaiko Bertsolari Txapelketako txapela, Bilboko Euskalduna jauregian, 2.200 bat bertsozaleren aurrean. Horrela, lehenengo aldiz historian, Bizkaiko txapelak Uribe Kostarako bidaia egin du. Saioko protagonista, baina, Iñaki de Juana Chaos izan da, txapelketa hasi baino lehen jauregiaren aurrean ehunka lagun kontzentratu baitira, Iñaki de Juana, zigorra beteta daukaten eta gaixo dauden presoen askatasuna eskatzeko. Ondoren, bertso saioaren zehar, De Juanaren aldeko elastikoa jantzi dute bertsolariek eta gose grebaren gaia behin eta berriro errepikatu egin da saioan eta agurretan. Xabiren atzean Etxahun Lekue larrabetzuarra gelditu da, eta ondoren, hurrenez hurren, Iratxe Ibarra, Arkaitz Estiballes, Onintza Enbeita, Fredi Paya, Ibon Ajuriagogeskoa eta Igor Muniategi. Txapela gutxi balitz bezala, Xabik eskultura, oroigarria eta finalista gazteenari emandako saria ere eraman ditu etxera. Azken sari hau Gernikan adio esan zuen Juanjo Respaldizari dedikatu dio. Txapela, berriz, Amuriza, Lopategi, Trino, Joseba Santxo eta batez ere amari eskaini die, euskaraz eta gazteleraz amarentzat propio egindako agurrean. Bertso onenari emandako saria, berriz, Iratxe Ibarrak irabazi du. Irudian, Xabi aurrean eta Fredi atzean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun