Metro Bilbaok tren zerbitzu bereziak jarriko ditu ostegun honetan ospatuko den Gabon garaiko Santo Tomas azokarako. Metro kopurua "nabarmen" areagotuko da, konpainiako iturriek adierazi dutenez. Guztira 635 tren ibiliko dira, edozein lanegunetan baino 78 gehiago, alegia. Horrela, maiztasuna 2,5 minutukoa izango da Bilbo barruan (Bolueta-San Inazio) 7:00etatik 20:30era bitartean. Halaber, sareko gainerako noranzkoei dagokionez, trenak 5 minuturo joango dira Bidezabaleraino, 10 minuturo Larrabasterraraino eta 20 minuturo Plentziaraino. Konpainiak adierazi duenez, zerbitzua 23:00etan amaituko da. Bestalde, aurten ere ez da metro zerbitzu berezirik egongo Gabon-gauean. Eusko Legebiltzarrean hirukoa osatzen duten EAJ, EA eta EB-Berdeak alderdiek atzera bota zuten astelehenean PPk aurkeztutako proposamena. Argazkian, metroa Aiboatik Algortarako bidean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun