Mikel Luloaga Bai Euskal Herriari ekimeneko bozeramailearen ustez, Euskal Herria nazio bat dela aldarrikatzeko eta frogatzeko euskal gizarteak makina bat jarduera egin du azken bi hilabeteotan: EHNA onartzen duten denda-gidak kaleratu izana, hainbat unibertsitatetan EHNArekin bozkatu edota agiria eskuratzeko tramiteak egin ahal izatea, lantegietako hauteskundeetan EHNA erabiltzea, eta abar. Luluagak nabarmendu du gainera, EHNA zabaltzeko ekimenak antolatzeko jende anitzak eta askotarikoak parte hartu izana.
Baina, euskal jendartea euskal herritar gisa agertu nahi badu ere, kezka horri egungo marko politikoak ez dio erantzuten Luloagaren ustez, testuinguru horretan biharko deialdia kokatu duena: "dagozkigun eskubideak praktikan irabazteko eguna da".
Bestalde, EHNA onartzen ez duten saltoki eta erakundeen jarrera salatu du Bai Euskal Herria Ekimenak eta espreski aipatu ditu Ikea, EuskoTren eta FNAC enpresen kasua.
Bihar, larunbata, abenduak 23, EHNA Erabili Eguna izateko aldarria egin du Bai Euskal Herriari jendarte plataformak. Bai Euskal Herriari ekimenaren aburuz, euskal naziotasun eskubidearen aldarrikapenak azken hilabeteetan erritmo bizia hartu du eta jada praktikaren garaia iritsi da, Euskal Herriaren naziotasuna agertu eta errespetatzeko eskubidea praktikan irabaztea helburu dituen egun horren bidez. Euskal naziotasun eskubidearen aldarrikapenak azkeneko hilabeteetan oihartzun zabala izan du, eta praktikaren garaia iritsi dela deritzo Bai Euskal Herriari herri ekimenak. Hori dela eta EHNA Erabili Eguna antolatu du larunbaterako, urtero legez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun