Etxebizitzan 5 milioi euro inbertitzeko eskaera atzera bota du Getxoko Udalak
Urriaren 27ko erabakia berretsi eta 2007ko aurrekontuak behin betiko onartu zituzten, joan den ostiraleko udalbatzarrean, Getxoko Udal Gobernua osatzen duten EAJ, EA eta Ezker Batua-Berdeak taldeek. PPk eta PSE-EEk berriro bozkatu zuten aurka, orduan aurkeztutako zuzenketei eutsiz. Getxo Biziak, berriz, etxebizitzarako 5 milioi euro bideratzeko eskaerari heldu zion galde-eske txandan. Hala ere, dagoeneko bertan behera utziak zituen udalbatzak ezker abertzaleko herri plataformak eta beste 254 getxoztarrek aurkeztutako alegazioak. Argazkian, Santa Anako BOEen eraikuntza lanak, Areetan.
Getxo Biziari erantzunean, Iñaki Zarraoa alkateak zera esan zuen: batetik 5 milioi euro horiek beste gauza batzuetarako beharrezkoak zirela. Bestetik, 1,2 milioi euroko partida "badaezpada" jartzen dela esan zuen, "aukera datorrenean erosi ahal izateko". Baina azken urteetan ez omen da "aukerarik etorri". Azkenik, lurra erosi ez, baina trukatu egin dutela gaineratu zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun