"Mutila trenbidean zegoela ikusi bezain laster, larrialdietako balaztari eragin dio gidariak, eta berehala igaro da automatikoki gidatzeko ATO modutik eskuz gidatzeko modura. Larrialdiko balaztei berehala trebeki eragitea erabakigarria izan da ondorio larririk ez gertatzeko, maniobra horrekin gazteari trenbidearen plataforman etzan eta unitatearekin topo egiteko astia eman baitio. Ezbeharraren ostean, Aginte Toki Nagusiak larrialdi zerbitzura deitu eta jakinarazi dio eta halakoetarako aurreikusita dagoen protokoloa abiarazi da. Ertzaintza ikertzen hasi da, gertakaria argitzeko", azaldu du Metro Bilbaok.
Atzerapenak
Gertakariaren ondorioz, tren zerbitzua atzeratuta ibili da sare osoan, 9:30ak arte, gutxi gorabehera, 40 bat minutuz; 5 eta 20 minutu bitarteko atzerapenekin. Tarte horretan, trenbide bakarra erabili dute Algorta eta Larrabasterra bitartean, norabide bateko zein besteko trenak hortik joan zitezen, zerbitzuari ahalik eta gutxien eragiteko, puntako ordua baitzen.
Algortako geltokian istripua izandako gaztea "langileei oldartu" zaiela dio Metro Bilbaok
Hasiera batean onik atera dela esan duten arren, Algortako geltokiko trenbidean bukatu duen mutilak kontusioak jasan ditu, Metro Bilbaok zabaldutako oharraren arabera. Horretaz gain, tren konpainiako langileek gaztea erreskatatu dutenean, "metroko langileei eta segurtasunekoei bortizki oldartu zaie", konpainiak dioenez. Goizeko 8:50ean, "bezeroa kaitik trenbidera jausi da, oraindik ez dakigu zergatik". Handik gutxira, tren bat sartu da Algortako geltokira, Plentziarako bidean. Lehenengo momentuan, gaztea "alkohola edo drogen eraginez apurtxo bat zorabiatuta" zihoala aipatu dute. Istripuaren ostean, ospitalera eraman dute. Argazkian, metroko langile bat beharrean, bezeroak trenera sartzen diren bitartean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun