Iñaki Zarraoa Getxoko alkatearen aburuz, berriz, Gobelan agiria lortzeko egindako lana Getxoko Udalak ingurumena babesteko aspalditik aurrera eramaten duen politika zabalagoaren barruan kokatu behar da: “Udala aitzindaria da ingurunea babestearen aldeko ekimenak aurrera eramaten, esate baterako ibilbide ekologikoak ikastetxetan, Bolueko hezegunea berreskuratzea, udal zabortegia ixtea eta berreskuratzea edo Getxo Kirolak erakundeko eraikinetan energia-eraginkortasunaren politika martxan jartzea”.
Burzako eta Zarraoak ingurumena zaindu eta energia aurrezteari begira udalerrian egiten ari diren ekintzen berri eman dituzte. Besteak beste, honako hauek aipatu dituzte: kaleko argiztapen sisteman energia-eraginkortasunerako neurriak ezartzea, udal eraikinetan energia-eraginkortasunerako dekretua onartzea, beren ikerketa eta plangintzekin eta gaur egun zenbait ikastetxetan energia berriztagarriak erabiltzea. Azken bost urteotan egindako gauza horien guztien gastua 243.308 eurotakoa izan da, egindako lanez gain.
Fernando Burzakok, Ingurumen zinegotziak zehaztu duenez, etorkizunari begirako erronkak honakoak izango dira: “energiaren erabilera eraginkorrarekiko herritarrak kontzientziatzea eta udalerrian energia berriztagarrien erabilera sustatzea, udal eraikinetan lan egiten segitzearekin batera”.
Getxoko Udaleko erakunde autonomoa den Getxo Kirolen Gobela kiroldegiak energia aurrezteagatik egindako lanaren ondorioz berriki lortu du energia-eraginkortasunaren agiria. Agiri hori kogenerazioaren azken-aurreko urratsa da, hau da, eraikin batek lor dezakeen energi aurrezte maila handiena. Hori gaur egun Fadura kiroldegiak du. Euskal Energi Erakundeak (EEE) aztertu ondoren, Energia eta Meatze Aurrezte eta Hazkuntzarako Aztertegiak (CADEM) emandako agiriak Gobela egungo arautegia betetzen duen eraikin teoriko batekin alderatu du, egoera termikoa, argiztapen potentzia eta kontsumoa kontuan harturik, Guzman Aranaga Getxo Kiroletako arduradunak gaur prentsaurrekoan azaldu duenez. Getxoko Udalaren arabera, “eraikinak urtean airera CO2 gasaren 200 tona jaurtitzea ekidin du”. Fernando Burzako Ingurumen zinegotziak “energia berriztagarrien erabilera sustatzea” etorkizuneko erronkatzat jo du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun