Urtean ehun bat neska-mutileri arreta egiten die nerabeak gizarteratzeko zerbitzuak Getxon
Getxoko Udalak arazoak dituzten familiak eta nerabeak gizarteratzeko zerbitzua emateko lehiaketa berria deitu du 278.000 eurotan. Ekimena urte betekoa izango da baina luzatu ahal izango da beste urte betez. Iñaki Zarraoak gogoratutakoaren arabera, zerbitzu hau hamazortzi urtez eskaini da udalerrian eta, urtean, gizartetik baztertzeko arriskuan dauden 12 eta 16 urteen arteko ehun bat nerabeei eta euren familiei laguntza ematen die. Pertsona hauei laguntza eskaintzen dien taldeak bost gizarte-hezitzailek eta bi psikologok osatzen dute. Euren esku-hartzearen eremua bakarkakoa da (kalean, gazteak biltzen diren lekuetan...), komunitatean (ikastetxeetan...), eta euren familietan (arrisku egoerak antzemateko asmoz...) eta, beharrezkoa denean, laguntza psikologikoa ere eskaintzen dute. Argazkian, hainbat neska-mutil eskolan.
Lan talde honek udalerriko bi gunetan banatzen du bere lana, eta horietan kokatu ditu bere bulegoak: Itzubaltzeta / Erromo eta Areeta, alde batetik; eta Getxo eta Algorta, bestetik. Gizarte hezitzaileek kalean egiten duten lanaz gain, zuzeneko harremanak dituzte ikastetxeekin, udal Gizarte Zerbitzuekin eta Udaltzaingoarekin, hauek antzeman ahal baitituzte balizko arrisku egoerak gazte talde hauetan. Zarraoaren ustez, “oso lan prebentibo garrantzitsua eskaintzen duen zerbitzua da; neska mutil hauek gizarteratzeko aukera ematen duena, bueltatzeko oso zailak diren egoera batzuk sahiesten duena eta, batzutan, egoera familiar zailak konpontzen laguntzen duena”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun