Gaur eguerdian Getxoko udaletxe aurrean egindako elkarretaratzean parte hartu ez badu ere, Imanol Landa Getxoko EAJk udal hauteskundeetarako aurkeztuko duen zerrendako buruak Barajasko atentatua gaitzesten duela jakinarazi nahi izan du. Egungo Getxo Udaleko lehenengo alkateordeak komunikabideei bidalitako testuaren arabera, Landak agertu du “nire gaitzespen gogorrena atzo Barajasen gertatutako atentatuagatik. Bertan zaurituak gertatu direnengan, nire elkartasuna eta, azkenean desagertuta dauden bi pertsonen heriotza konfirmatzen bada, euren senide eta lagunengan ere. Amaitzeko nire nazka, gure herriaren izenean heriotza, suntsidura eta terrorea ereiten dutenentzat”. Era berean, hautagaiak abuztuan sortu zituen www.ilanda.eu bitakora euskalduna eta erdarazko www.ilanda.info gunea iragarri ditu. Biak daude copyleft lizentziapean / ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun