Bakearean Aldeko Koordinadorak sei kontzentrazio egingo ditu bihar Uribe Kostan

Erreskate lanetan aritutakoek Madrilgo Barajas aireportuko T4 terminaleko hondakinen artean Diego Armando Estacioren gorpua aurkitu ondoren, dozenaka elkarretaratzeren berri eman du Bakearen Aldeko Koordinadorak, tartean bihar Uribe Kostan egingo diren sei kontzentrazio isilak. “Ustezko helburu politikoak” eskuratzeko egiten den “bortxakeriaren erabilpena gaitzetsi” eta ETAren desagerpena aldarrikatu zein “gure herriak jasaten duen indarkeriak eragindako heriotzak” salatzeko Algortan, Areetan, Astrabuduan, Erandion, Sopelan eta Plentzian burutuko dira elkarretaratzeak. Leioan, berriz, ekimenak Gabonetako oporrak igarota aurreikusita daude, Irlandesas eta Askartza ikastetxeetan, Barandiaran institutuan eta Leioa eta Erandioko campusean. Argazkian, atzo bezala gaur ere kontzentrazio isila izan da Getxoko udaletxe aurrean. Bertan, 30 bat zinegotzi, udal langile, bizkartzain eta herritarrak batu dira.