Horrela, programa informatikoak ikasleei, modu oso errealista batean, gaixo batzuk erakusten dizkio. Gaixo horiekin zain-ziztadaren protokolo guztia egin ahalko dute. "Ikasleek uneoro erreminta egokia erabili beharko dute eta behar bezalako hurrenkeran; bestela simulazioak ez du jarraituko. Horrela, ikasleek bideoan orratzaren neurri egokia aukeratu beharko dute, teknika antiseptiko egokia erabili eta ordenagailuari konektatutako injekzio aparatu bat erabiliz angelu zehatz batean ziztatu beharko dute zaina. Orratza sartzean, benetako gaixoekin nabaritu daitekeen erresistentziaren oso antzekoa hauteman daiteke. Orratza ez bada modu egokian sartzen, gaixo birtualak entzuteko moduan azalduko du mina", azaldu dute.
Ebaluazioa
Behin operazioa amaituta, sistemak ariketa ebaluatzen du ikasleek ariketa nola egin duten jakiteko, hurrengo saiakeretan beraien puntuazioa hobetze aldera. Horrela, puntuazio horiek datu baseetan geratzen dira bilduta ikaslearen aurrerapena ikuskatzeko irakasleak berreskuratze aldera. Simulagailua Medikuntzako hirugarren mailako ikasleak ari dira erabiltzen, Kirurgiako Oinarriak irakasgaian.
Medikuntza Fakultateak kirurgia praktiketarako errealitate birtualeko simulagailua eskuratu du
Ikasleek zain-ziztada praktikatzea ahalbidetzen duen errealitate birtualeko simulagailu bat jarri du Euskal Herriko Unibertsitateko Medikuntza eta Odontologia Fakultateak. "Estatu guztian horrelako ezaugarriak dituen tresna eskuratzen lehena! da Leioa eta Erandioko campuseko ikastegia, EHUko iturriek jakinarazi dutenez. CathSim AccuTouch System simulagailuak ikasleak xiringatzearen alderdi guztietan trebatzea ahalbidetzen du; zain-ziztadan aritzeko beharrezko gaitasunetatik terapia honen inguruko ezagupenetaraino. Argazkian, ikasle batek CathSim AccuTouch System simulagailua erabiltzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun