EAJk eta EAk osatzen duten "tokiko gobernu taldearen kudeaketa kaskarraren ondorioz, gertatzen ari den diru-zarrastelkeria" salatu du Erandioko PPk. Javier Ruiz bozeramaile popularrak zehaztutakoaren arabera, Q-Atxaerandio aldean kokaturiko industrialdeko ur-horniketa lanetarako 77.000 euro (%40) emango ditu Erandioko Udalak, "34.000 euro (%18) ordaintzea tokatzen zitzaionean". "Hortaz, 43.000 euro galduko ditugu erandioztarrok", deitoratu du Ruizek. Bestalde, Ibae Adebi elkartea deusezteagatik beste 57.000 euro ordaindu beharko direla jakinarazi du PPko zinegotziak. Argazkian, Javier Ruiz Erandioko PPko bozeramailea.
"Adostutako hitzarmenaren arabera, Q-Atxaerandio zuzentzen duen elkarteak ordaindu behar zituen ordaindu beharrekoak. Kontua da, Udalak obrak aprobetxatu dituela aipatu aldeko hirigintza proiektuarekin zer ikusirik ez duten hobekuntza lanak egiteko, nola ez, udal kutxatik ordainduta", salatu du Ruizek. Ibae Adebi elkarteari dagokionez, Erandioko Udala 1996tik da erakunde horretako kidea, tokiko popularren bozeramailearen hitzetan. "Horretan parte-hartzeak ez die onurarik ekarri erandioztarrei. Alkateak berak onartu zuen hori abenduko Bozeramaileen Batzordean. Elkarteak milioi askotako zorra pilatu du bere arduradunen kudeaketa kaskarraren erruz; eta orain, osatzen duten udalek jarri beharko dute dirua", salatu du Ruizek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun