Merkatari egitasmoaren barruan, Merkataritza Euskalduntzeko Plan Integral (MEPI) hiru garatuko dituzte Leioan, Canada House umeentzako arropa dendan, Kopileioa kopia-dendan eta LeioaVision optikan hain zuzen. "Helburua euskararen erabilera sustatzea da, baina inplikaturiko dendaren bakarkako tratamenduaren bidez, hau da, bakoitzaren egoera linguistikotik abiatuta egingarriak diren helburu zehatzak markatu eta burutzea", azaldu du Karmelo Sainz de la Maza alkateak. "Lan horretan beste eragile bat besterik ez da Leioako Euskara Zerbitzua", nabarmendu duenez. Argazkian, LeioaVision optika.
Udal agintariaren hitzetan, "egindako diagnosia abiapuntu dugula, beharrezkoak diren urratsak, epeak eta ardurak zehaztuko dira saltoki bakoitzaren euskalduntza bidea jorratzen joateko". Arantza Prado Canadian Houseko arduradunak, berriz, "oso positibotzat" jo du egitasmoa, "jendearentzat, Leioarentzat, baita guretzat ere". Nahiz eta "konpromiso gogorra" dela aitortu, "egungo egoera aldatzeko ahal den guztia egiteko prest" azaldu da dendaria. LeioaVisioneko Coro Estebanek bere aldetik, "garrantzi handia" eman dio Leioako saltokietan euskaraz egiteari: "Euskaraz aritzen den adineko jendeari ilusio handia egiten dio eurena eta gurea den hizkuntzan hitz egin diezaietela". Aipatu bi dendariekin eta Kopileioako Ramon Diezekin sinatu du hitzarmena gaur Sainz de la Mazak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun