Kalean da Sweet Oblivion Alfonso Arana musikari getxoztarraren talde berriaren lehenengo diskoa
Alfonso Arana musikari getxoztarrak Sweet Oblivion proiektu berria jarri du martxan eta Noizpop diskoetxeak kaleratu du bere lehenengo lana: "Wasted Lovesongs". Cujo taldearen konposatzaile nagusia eta burua da Arana, eta oraingoan bakarka eginiko bere lehen lanarekin dator. Diskoan bere alderik akustikoena azaltzen da, abesti eder eta sosegatuekin. Aranak zazpi disko ditu grabatuak Cujor getxoztarrekin eta Cancer Moon taldeko gitarra-jolea ere izan zen, Noizpopeko iturriek azaldu dutenez. Hala ere, Arana ez dago bakarrik disko honetan, talde oso baten laguntza izateaz gain, berarekin batera Ce neska kantari gaztea azaltzen da, horrela diskoari emakumezko baten ukitua emanez. Abesti bakoitzak bere izatea eta pisua ditu, eta Pablo Jaen (gitarra), Pablo Isusi (baxua) eta Gurru (Cujoko bateriajole ohia) azaltzen dira taldekide moduan. Argazkian, Sweet Oblivion taldeko kideak.
Rock amerikarra oinarri duten abestiak dira diskoan aurkitzen direnak, une akustikoak pasarte elektrikoei lekua utziz. Hala nola, kantagintzaren tradiziorik hoberena jarraitzen dute, beren abestietan Bob Dylan, Tom Petty, Steve Earle edota Neil Young moduko musikarien eraginak aurki daitezkelarik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun