Roberto Laiseka Euskaltel-Euskadiko txirrindulariak ziklismoa uztea erabaki du, ez delako osatu joan den urteko Italiako Giroan belaunean izan zuen lesiotik. Txirrindulari algortarra erori egin zen Italiako lasterketan, ebakuntza egin zioten, baina azkenean ezin izan da osatu. "Bizikletan dena ematen dut, baina dena ezingo nuela eman ikusten nuen", adierazi zuen atzo Laisekak. Aitarekin, emaztearekin eta lagunekin hitz egin ondoren hartu du ziklismoa uzteko erabakia.
Laisekak 37 urte ditu eta Euskadi Fundazioaren sorreratik orain arte egon den txirrindulari bakarra da. 1999an lortu zuen lehenengo garaipena, Espainiako Vueltan, Euskadik itzuli handi batean irabazitako lehenengo etapa, alegia. Vueltan beste bi etapa ere irabazi ditu Laisekak, 2000an eta 2005ean, hain zuzen ere. Hala ere, garaipenik handiena Frantziako Tourrean lortu zuen, 2001ean, itzuliko 12. etapa irabazi zuelako, Luz Ardinenen bukatu zen etapan. Itzuli handietan lorturiko lau etapak mendian irabazi ditu Laisekak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun