"Argi utzi nahi dugu ez ditugula horrelako ekintzak gustuko. Baina, halere, Euskal Herriaren aurkako erasoekin jarraitzen badute, herri honek tinko erantzungo du", ohartarazi dute ustez agertutako eskuorrietan. Gainera, "ekintza honek auzokideengan sortu dituen eragozpenak" direla eta, barkamena eskatu diete herritarrei.
EAJ, EA, PSE-EE, PP eta EB-Berdeak alderdiek osatzen duten tokiko Bozeramaileen Batzak ez ezik, EAEko Ezker Batuak ere plazaratu du oharra Berangokoa zein Donostiako kutxazain baten aurkako erasoak gaitzesteko. Egileei "indarkeria behingoz alde batera utzi eta askatasuna eta bakea nahi duen euskal gizartea bakean uzteko" eskatu diete.
Berangoko udaleko Bozeramaileen Batzaren oharra:
Berangoko udaleko Bozeramaileen Batzak, 2007ko urtarrilaren 12an eginiko batzarrean, EAJ-PNV, EA, PSE-EE, PP eta EB alderdiek osatzen dutena, udaletxearen kontra atzo egindako erasoa dela-eta ondorengoa adierazi nahi du:
1. Udalerriko ondasun kontra egindako eraso biolentoen aurka azaltzen garela eta era honetako jokabideak baztertzen ditugu.
2. Euskadin elkarbizitzaren normalizazio prozesuan aurrerapausuak emateko, ezinbestekoa da giza eskubideak errespetatzea eta jokabide demokratikoekin jardutea.
3.Gatazka oro konpotzeko ezinbestekoa da elkarrizketa.
Eusko Jaurlaritzako Herrizaingo Saileko iturriak aipatuz, Eitb24k jakinarazi duenez, atzo, 21:45ak aldera gertatu zen Berangoko udaletxearen kontrako erasoa. Ordu horretan, hainbat ezezagunek bi molotov koktel jaurti zituzten. Udaltzainen instalazioek hainbat kalte izan dituzte, polizia iturrien arabera. Europa Press albiste-agentziak, berriz, erasoaren inguruan hainbat eskuorri agertu zirela dio. Horietan, poliziek herriko bi gazteren aurka egindako "errepresioa" salatzeko egin dutela erasoa agertzen omen da. Litekeena Orkatz Gallastegiri 26 urteko zigorra berrestea zein Saioa Santxezen etxebizitzaren miaketari buruz aritzea, baina UKBERRI.NETek ezin izan du horrelakorik konfirmatu. Bestalde, Berangoko Udaleko Bozeramaileen Batzak atzo gaueko erasoa gaitzetsi eta, elkarbizitzaren normalizazio eta gatazkaren konponbiderako, "giza eskubideak errespetatzea, jokabide demokratikoekin jardutea eta elkarrizketa ezinbestekoak" direla adierazi du. Argazkian, Miren Dobaran Berangoko alkatea, Juan Olea Urdulizko udal agintaria lagun duela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun