Segi gazte erakundeak Jarrai-Haika-Segi sumarioaren aurka deitutako borroka eguneko ekitaldiak saihestea agindu die EAEko eta Nafarroa Garaiko gobernuei Baltasar Garzon Espainiako Auzitegi Nazionaleko epaileak. Gara.net-ek jakinarazi duenez, Garzonek Segiko mobilizazioak ekiditeko “behar diren neurriak har” ditzaten agintzen duen autoa bidali du EAEko Herrizaingo Sailera eta Espainiako Gobernuak Iruñan duen Ordezkaritzara. Era berean, borroka eguneko antolatzaileei parte hartzeko deirik egin ez dezaten exijitzeko agindua eman du Baltasar Garzonek. Agindu horren arabera antolatzaileek zein parte hartzaileek “sor daitezkeen kalteengatik izan dezaketen ardura penalaz ohartu” behar izango zaie. Goizean Uribe kostan ez da gertatu enfrentamendurik, baina Euskal Herrian gutxienez zortzi atxilotu izan dira. Iluntzerako Uribe Kostan mobilizazio gehiago deitu ditu Segik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun