Ertzaintzak O.M.S. 28 urteko gizonezkoa atxilotu zuen atzo Leioan, genero indakeria delitua egotzita. Astelehenean, goizeko 6:30ean, hainbat lagunek poliziari hots egin zioten, Kandelazubietako kaleko etxebizitza batean gizon batek emakumea kolpatzen ari zela ohartaraziz, Eusko Jaurlaritzako Herrizaingo Sailak jakinarazitakoaren arabera. Bertara heldutakoan, bere bikotekideak eraso egin ziola adierazi zien ertzainei andrak. Aurpegian kolpeak eta begi bat handitua zuen. Antza, hainbat ukabilkada eman zizkion gustezko erasotzaileak; baita ileetatik heldu burua paretaren kontra kolpatzeko ere; guzti hori euren seme-alaba txikiak bertan zirela. Horrenbestez, O.M.S. atxilotu zuen Ertzaintzak eta emakumea ospitalera eraman behar izan zuten zauriak osatzeko. Argazkian, emakumeen aurkako erasoak salatzeko, Getxoko Bilgune Feministak Algortan egindako kontzentrazioetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun