Ildo horretan, hitzarmenak "lankidetzarako esparru egonkorra" aurreikusten du Herrizaingo Sailaren eta Eudelen artean. Horren baitan, hainbat urrats emango dira berehala: bi administrazioetako kide kopuru bera izango dituen hitzarmenaren Jarraipen-batzordea eta Idazkaritza Teknikoa sortuko dira, eta EAEko Udaltzaingoak Koordinatzeko Zuzendaritzak, Herrizaingo Sailari atxikitakoak, lanerako plana aurkeztuko du, horrek izango baitu hitzarmenean jasotako neurrien garapena eta aplikazioa dinamizatzeko eta bultzatzeko ardura. Jarraipen-batzordeak bilerak egingo ditu noizean behin lan-egitasmoa sortu eta onartzeko eta Idazkaritza Teknikoa izango da onartutako neurriak benetan betetzen eta betearazten diren baieztatzeko arduraduna. Ekimenak martxan jartzeak eragiten dituen kostuei bi Administrazioek egingo diete aurre, erdi bana.
Beste pausu bat
EAEko Poliziari buruzko Legeak jasotakoaren arabera, EAEko Administrazio Orokorraren eta Toki-Administrazioen menpe dauden taldeek osatzen dute EAEko Polizia, eta, administrazio horiekin duten menpekotasun organikoa gorabehera, Herrizaingo Sailari dagokio EAEko udaltzaingoak koordinatzea. Udaltzaingoak koordinatu eta indartzeko asmoz egindako proposamenak garatzeko, Herrizaingo Sailak zuzendaritza berri bat (Udaltzaingoak Koordinatzeko Zuzendaritza) sartu zuen legealdi honen hasieran, udaltzaingoak pertsonen segurtasuna eta EAEko herrietan ordena bermatzeko behar-beharrezkoak diren uste osoa baitu. Euskadiko Udalen Elkarteak (Eudel) eta zuzendaritza berri honek elkarrekin bultzatuko dituzte EAEko udaltzaingoen gaitasunak bultzatzeko neurriak.
Ertzaintza eta udaltzaingoen arteko "koordinazioa areagotzeko" elkarlana sustatuko dute Herrizaingo Sailak eta Eudelek
Eusko Jaurlaritzako Herrizaingo Sailak eta Euskal Udalen Elkarteak (Eudel) lankidetza-hitzarmena sinatu dute, Euskal Autonomia Erkidegoko (EAE) udaltzaingoen eta Ertzaintzaren arteko "koordinazioa eta homogeneizazioa areagotzeko". Hitzarmenaren helburu nagusia "EAEko polizia-taldeen arteko eraginkortasun orokorra hobetzea da, Ertzaintzaren eta EAEn lan egiten duten 78 udaltzaingoen artekoa, hain zuzen ere", Lakuako iturriek prentsa ohar bidez adierazi dutenez. Hori lortzeko, "lehenik eta behin, udaltzaingoen arteko koordinazioa bera bultzatzea komeni da, udaltzain guztientzako moduko oinarri batzuk jarrita. Talde horietara sartzeko prozedurak, prestakuntza fasea eta ibilbide profesionalaren aldi guztiak ez ezik, besteak beste, materialen hornikuntza, jarduteko prozedurak eta informatika eta komunikazio sistemak ere hartu behar dira kontuan", azaldu dute. Tokian tokiko polizia-gorputzek egoera berezi edo ezohikoetan elkarri modu azkar batean laguntza emateko mekanismoak ere landu nahi dituzte. Argazkian, Getxoko udaltzainak eta ertzainak elkarlanean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun