Azterketak direla eta ordutegi berria dute Getxo udalerriko liburutegi eta ikasgelek
Ikasle getxoztarrek azterketak prestatzeko 500 leku izango dituzte aurten. Gauzak horrela, Getxoko Kultur Etxeko liburutegi eta ikasgelen ordutegiak luzatuko dituzte otsailaren 4ra arte, astelehenetik ostiralera. Halaber, larunbatetan eta igandeetan ere zabalik egongo dira. Horrezaz gain, Algortako J.B. Zabala eta Itzubaltzeta / Erromoko Romo ikastetxeek, eta Algortako Getxo I institutuak ere zenbait ikasgela eskainiko dituzte otsailaren 8ra arte. Algorta (San Nikolas eta Villamonte), Areeta eta Itzubaltzetako liburutegiek 266 ikasleku eskainiko dituzte eta euren ordutegia 9:15etik 14:00etara eta 16:15etik 20:00etara egongo dira zabalik astelehenetik ostiralera. Larunbatetan, berriz, ordu bat lehenago itxiko dute goizez eta, azkenik, igandeetan, 16:15etik 20:00etara baino ez dira egongo irekita. Bestalde, Santa Eugeniako (Itzubaltzeta / Erromo) ikasgelak 22:00ak arte egongo dira eta, Getxoko kiroldegian, 21:45era, astelehenetik igandera. Argazkian, San Nikolaseko liburutegiko ikasgela.
Urtarriletik aurrera udal liburutegiek ordutegi berriak dituzte. Horrela, neguko goizeko ordutegia 14:00etara arte luzatu dute, astelehenetik ostiralera (orain arte 13:00ean ixten ziren). Udan ere ordutegiak luzatuko dira: 14:30ean itxiko dira liburutegiak. Horren bidez, liburutegiek publikoaren eskaerari eta erabiltzaileen eta maileguen gehitzeari aurre egin nahi zaio. Gainera, "ordutegien luzatzea dela medio zerbitzu hobea eskaini nahi dute liburutegiek, erabiltzaileei erraztasun gehiago emanez eta jende gehiago erakartzeko asmoz", udal iturrien arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun