Etxebizitza Ministerioaren arabera pisu garestienak dituzten udalerrien artean bigarrena da Getxo

Etxebizitzen salneurriak %9,1 gora egin zuen 2006an eta, horrenbestez, aurreko urtearekin alderatuta, 3,7ko dezelerazioa eman da prezioen igoeran, Espainiako Etxebizitza Ministerioak gaur, ostirala, argitara emandako datuen arabera. Salneurrien hazkunde-tasarik txikiena da 2000 urtetik, eta 2006ko hirugarren hiruhilekoarekiko zazpi hamarreneko jaitsiera da hori. Urte bukaeran, etxebizitzaren batez-besteko salneurria 1.990,5 eurotan zegoen metro koadro bakoitzeko. Udalerri garestienen zerrenda ere kaleratu du Etxebizitza Ministerioak. Horren arabera, Donostia da Espainiako Estatuan etxebizitza garestienak dituena: metro karratuak 4.000 euro baino gehiago balio du eta zerrenda horretako bigarrena Getxo da, 3.700 euro metro karratuko prezioarekin. Argazkian, eraikuntza lanak Areetan.