Aldarrikapen oharra:
Mezu honen bidez gure gain hartzen dugu urtarrilaren 20an, gaueko 22:30etan Erromoko Ibaiondo kaleko BBVAren kutxazainari eta zenbait zaborrontziri su eman izana.
Sabotajea ekintza hau herriaren haserrearen adierazle bat baino ez da. Euskal Herriak ez du onartuko bere gazteria erasotzen duen inolako ebazpenik. PSOE eta bere mendean diharduen Botere Judiziala dira benetako terroristak, haien aginduak betez gazteria atxilotzen eta aurrekoen esku uzten duten PNVren zipaioak ahaztu gabe.
PSOEk errepresioaren bidea hautatu du beste behin ere, eta Euskal Herriak behar adinako erantzuna emango dio eraso honi, baita aurrerantzean etor daitezkeenei ere.
PSOE, zuek bai terroristak! Euskal gazteria aurrera!
Hainbat ezezagunek bere gain hartu dute larunbat honetan Itzubaltzeta / Erromoko Ibaiondo kaleko BBVAren kutxazainari zein inguruko hainbat zaborrontziri su eman izana, Gaztesareari bidalitako komunikatu baten bidez. Aldarrikapen oharrean zabaldu bezala, kale erasoen egileek Jarrai, Haika eta Segi gazte erakundeen aurkako epaiak sortutako “herriaren haserrearen” beste adierazle bat bezala aurkeztu dute sabotajea. Komunikatuan, PSOE, “bere mendean diharduen botere judiziala” eta “PNVren zipaioak” terroristatzat jo ondoren, egileek ziurtatzen dute PSOEk errepresioaren bidea hautatu duela eta Euskal Herriak erantzun egingo duela. Argazkian, kalte arinak jaso dituen kutxazaina.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun