Radio Pays Estatu frantsesak menpean hartu dituen nazio askoren topagune eta bozgorailua da, ez bakarrik euskaldunena Txalaparta Irratiaren bidez, baita Alsazia / Lorena, Bretainia, Herrialde Katalanak, Korsika, Flandria eta Okzitaniar herrien irratia ere bada.
Eraso guzti hauekin elkartasun internazionalista beldurtu, mugatu eta giltzapetu nahi dute, baina lortuko duten bakarra herri zapalduon arteko elkartasuna eta konplizitatea handitzea izango da, gaur sekulan baino gehiago bi aldetako nazio zapalduok neba-arreba sentitzen gara, gaur sekula baino ozenago herri zapalduok aldarrikatzen dugu:
Hamaika herri, borroka bakarra!
Gora munduko herri borrokalariok!
Askapena
Parisko Radio Pays eta Txalaparta irratiko egoitza miatu dutela salatu du Askapenak
Gaur jendarmeak Radio Pays / Txalaparta irratiko egoitzan sartu dira Parisen eguerdiko 12etan eta 15ak arte den-dena goitik behera miatu dute. Askapenak gogor salatzen du adierazpen askatasunaren kontrako ekintza errepresibo hau, non eta askatasunen ‘eredu’ izateaz harropuzten den errepublika jakobinoan. Bi estatuak kartzela eta zentsuraren guraizez herrien arteko lokarriak eten nahian. Askapenetik, eraso hau ezinbestean kokatzen dugu ekintza errepresiboen kate kezkagarri batean. Izan ere, oraindik daukagu oso fresko gure memorian Sebastien Bedouret (argazkian) kazetari solidarioaren atxiloketa Donostian eta Guardia Zibilen torturak eta muntaia. Bi aste beranduago, pasa den igandean, hain zuzen ere, Parisen Euskal Herrian bake prozesu bat garatzearen alde elkartu ziren ‘Euskal Herriaren lagunen’ txanda izan zen: 16 lagun identifikatu, katxeatu, esku burdinak ezarri eta autobus batean polizia etxera eraman zituzten. Eta gaur berriz Radio Pays / Txalaparta Irratiko egoitzan sartu dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun