Euskal presoen alde azken ostiraleko mobilizazioak izango dira iluntzean
2007ko urt. 26a, 19:41
Hilero bezala, gaur, azken ostirala, hainbat kontzentrazio deitu du Etxeratek Euskal Herri osoan "Estatus politikoa orain. Euskal presoak Euskal Herrira!" lelopean. Uribe Kostan honakoak izango dira hitzorduak: 19:30ean, Armintzan, bus geltokiaren aurrean eta Astrabuduan, Josu Murueta plazan; ordu erdi beranduago, 20:00etan, Erandion, metro aurrean; Leioan, Boulevardean; Itzubaltzeta / Erromon, Xake plazan; Algortan, Telletxen; Berangon, Gudari enparantzan; Sopelan, udaletxe aurrean eta Urdulizen, BBVAren aurrean. Goizean ere, 11:15ean kontzentrazioa egin dute Itzubaltzetako Romo-Artatza institutuaren aurrean. Argazkian, Algortan pasa den abenduaren 29an hainbat solidariok Iñaki de Juanaren askapena aldarrikatzeko egindako ekimena.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun