Aipatzen dituzun interes partikularretatik haratago gaude, herri arduran hain zuzen. Beraz, zure aipamen sinplista horrek zaindu itzazu. Gaur egun pribilegioa deritzozuna, jakin hamaika urtetan baztertuak eta ahaztuak izan direla. Baserriak ez dira pribilegioa, nortasuna baizik.
Eta nekazal lurren beharra inoizko ageriago dago, nekazaritza uztartzen baikabilz. Bertako produktua.
Amaitzeko, hau ez da ume jokoa, zure erantzunek itxuratzen duten moduan. Guzurrik ez, egi faltsurik ere ez!
Dena dela, Zarraoaren zikloa bukatu zaigu, espero dezagun harropuzkeriarena ere amaitzea.
Ez duzu herria maite eta herriak ez zaitu maite!
LZPrik ez! Andra Mari bizirik!
Lander Labajo / Andra Mari auzo elkarteko kidea
“El Correo”n esandakoaren arabera, Zarraoak ezin dio herrian aldarrikapen bihurtu den arazoari zintzo eta ganoraz erantzun. Ustelduta dagoen zuhaitza ezin fruitu onik eman. Domekako manifestaldi osoan zehar, herriaren nahia besterik ez zan aldarrikatu, bai, herriaren parte handi baten nahia. Eta bai, beste herrietako elkartasuna ere jaso genuen. Zuk hainbeste aipatu eta maitatzen duzun alkartasun hori. Halandabe, han bildutako milaka lagun, getxoztarrak izan ginen. Guk ez dogu iñor iraindu, baina alkatearen erantzuna irainez beteta dago. Gezurrak eta irainak. Elkarrizketarako irekia egon zarela baieztatzean sudurra handituko zitzaizun, oihuak, irainak eta nagusikeria ez dogu elkarrizketarako gogo moduan interpretatzen. Etxebizitzaren beharrez berba egitean, lasai asko eta ikerketak begiratu barik egin duzu antza. Aldundiaren aurreikuspenetan Getxoko hazkunde demografikoa aztertuta. Eta behar hori, manifestaldian aipatu bezala, beste modu batzuetan ere egokitu daiteke; etxe hutsak erabiliz, adibidez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun