Semantika boterearen emagaldu egin zenetik filtrobako garunak buztin zati moldeagarriak dira. Mendeetako sufrimenduaren orez, alderdia sentimenduak diru bihurtzeko makina bihurtu zenean ebaki zizkioten hegoak sortzailearen ametsari. Madrildik txalo eta laudorio, Erkoreka jauna lotsarazteraino. Zer gehiago esan nezake?
Fredi Paya / bertsolaria
Gurean euriari ziri-miri esaten zaio, lagun taldeari koadrila, kopautxuari pintxo eta kafeari baque. Q-z? Bai, bai. Eta telefonoari euskaltel, arropari astore, lapurretari aurrekontu, entxufismoari alderdia, influentzia trafikoari azpi-kontratazio, menpekotasunari bizikidetza, espekulazioari merkatu, eskubideak galtzeari flexibilizazio, herritarrak kalean jipoitzen dituenari herriaren zaindari, inposaketari jokoaren arauak, inposaketa onartzen dutenei demokrata, onartzen ez dutenei terrorista, herriaren erabakitzeko eskubideari maximalismo, euskaldunon lurraldearen zati txiki bati Euskadi, natura hondatzeri aurrerapen, natura hondatuta lagunei lanak esleitu eta oposizio erreal bakarra ilegalizatuta dagoela probestuz poltsikoak betetzeari AHT, gure etxe ondoan gura ez duguna besteen etxe ondoan ipintzeari errauste planta, gatazka oro norbere interesekiko konfluentziaren arabera kudeatzeari politika letra larriz egitea, folkloreari kultura, kultur munduaren izaera kritikoa kontrolatu nahiari diru laguntza, gaitasun kognitibo hutsalaren ondorioz euskalgintzak egiten duena behin eta berriz kopiatzeari hizkuntz politika... Argazkia: Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun