Sopelana Gurea udal aldizkaria EAJk "alderdikaritzat" duela uste du Ezker Batuak

"Sopelana Gurea" aldizkaria "modu alderdikoian erabiltzea" egotzi dio Sopelako Udalari EB-Berdeak taldeak. Gaur kaleratutako prentsa oharrean jakinarazitakoaren arabera, Larrabasterran eraikiko duten familiabiko etxeez osatutako urbanizazio pribatu baten inguruko albistea irakur daiteke, udal aldiskariaren azken zenbakian (pdf), "zeinean etxebizitzen ezaugarriak nabarmentzen diren, horien publizitatea egiteko asmoz, argi eta garbi". "EAJren gobernu taldeak sopeloztar guztiok ordaintzen dugun aldizkaria era alderdikoian erabiltzen duela salatu nahi dugu; interes politiko osoz eta Sopelako EAJk eguneroko jardueran publikoa pribatua denetik bereizteko duen zailtasuna argikiro erakutsiz gainera", azaldu dute Ezker Batukoek. Gertatutakoa "bistako propaganda eta ezkutuko publizitatetzat" jo dute. Argazkian, Jose Vicente Ojinaga Sopelako EBko bozeramailea.