Azkenik, Uribe Kostako Etxerat elkarteak Iñaki de Juanari egunero gutunak idazteko kanpaina bat abiarazi du. Eskualdeko hainbat tokitan eta ohiko lekuetan mahaiak jarriko dira gutunak bidaltzeko, baina batez ere bakoitzak bere kabuz ere idazteko deialdia egin dute.
Helbidea:
Iñaki de Juana Chaos
Centro Penitenciario MADRID VI
28.300Aranjuez (Madrid)
Iñaki de Juana eta Jon Bilbaoren askatasuna aldarrikatuko dute asteburuan Uribe Kostan
Askatasunak deituta, ostiral honetan, otsailak 9, mobilizazioak izango dira hainbat herritan, Iñaki de Juana Chaos preso donostiarraren askatasuna aldarrikatu eta "PSOEren espetxe politika hiltzailea" salatzeko. Hiriburuetan honakoak dira hitzorduak: 20:00etan Donostiako Konstituzio plazan, 19:30ean Gasteizen, Andra Mari Zurian, 20:00etan Gaztelu plazan eta Bilbon 18:00etan Sabin Etxean. Gainontzeko hainbat herrietan ere izango dira kandelez beteriko mobilizazioak, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Bestalde, dagoeneko espetxean 25 urte eginda oraindik kalean ez dagoela salatzeko, omenaldia egingo diote igandean, hilak 11, Jon Bilbao Moro preso astrabuduarrari. Ekitaldia Erandioko metroko plazan izango da, 13:00etan. Argazkian, De Juanaren aldeko elkarretaratzea / Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun