Asteleheneko kontzentrazioan ondorengo idatzia banatuko dute:
Iñaki askatu! Bizi osorako zigorrik ez!
Iñaki de Juanak 98 egun bete ditu gose greban bere askatasuna eskatu eta Madrilgo gobernuak Euskal Preso Politikoei ezartzen dien salbuespeneko espetxe política salatzeko.
Duela ia bi urte Estatu espainoleko auzitegiak ezarritako zigorra bete egin zuen, oso-osorik; hala ere, oraindik daukate bahiturik, eta 12 urte eta 7 hilabeteko zigor berria ezarri diote. Arrazoi bakarra, egunkari batean bi artikulu idatzi izana.
Iñakirekin batera, kalean egon beharko liratekeen beste bederatzi presok kartzelan diraute, Alderdi sozialistak bizi osorako kondena estalia erabili nahi duelako euren kontra.
Bizi osorako zigor hauek eta gaixo larriak ez askatzea euskal preso politikoen kontrako xantaia eta prozesu politikoa baldintzatzeko ahalegina besterik ez da.
Beharrezko eta premiazkoa da denon artean honi aurre egiteko neurriak eta ekimen zehatzak burutzea.
LABek langileei eta jendarte osoari mobilizatzeko deia egiten die. Estatu biak presionatu behar ditugu euskal preso politikoen kontrako biolentzia horrekin guztiarekin amai dezaten.
Eskumaldeko LAB
Astelehenean Getxoko Justizia Jauregiaren aurrean De Juanaren alde kontzentratzera deitu du eskualdeko LABek
Iñaki de Juana Chaosek gose greban 98 egun betetzen dituen astelehen honetan, otsailak 12, preso donostiarraren askatasuna aldarrikatzeko elkarretaratzea egingo du, Getxoko Justizia Jauregiaren aurrean, Eskumaldeko LABek. Goizeko 10etan da hitzordua. Horretaz gain, "Iñakirekin batera, kalean egon beharko liratekeen beste bederatzi presok kartzelan diraute", azaldu du sindikatu abertzaleak. Horien artean dago igandean omenaldia (13:00etan Erandioko metroko plazan) Jon Bilbao Moro astrabuduarra. Horrenbestez, "euren kontra alderdi sozialistak bizi osorako kondena estalia erabili nahi duela" ere salatuko dute. LABen ustez, "bizi osorako zigor hauek eta gaixo larriak ez askatzea euskal preso politikoen kontrako xantaia eta prozesu politikoa baldintzatzeko ahalegina besterik ez da". Guzti horrengatik langileei eta jendarte osoari luzatu diote mobilizatzeko deia. Argazkian, hedabideek azken egunotan kaleratutako irudiek agerian uzten dute De Juanaren egoeraren larritasuna / Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun