Berangoetako kultur etxeak euskara "praktikatu" nahi duten gazte guztiak animatzen ditu mintza praktikan parte hartzera, udal iturriek jakinarazi dutenez. "Ekimen hau euskaraz mintzatzen diren gazteak eta hizkuntza honetan hitz egiteko erraztasun gutxiago duten neska-mutilak elkartzean oinarritzen da. Mintza praktikak hitz egiteko, jolasteko eta Berangoko euskaldun ugari ezagutzeko aukera eskaintzen du, komunikatzeko euskara erabiliz", azaldu dute. Topaketak asteazkenetan 19:15etik 20:45era izango dira aipatu kultur aretoan. Izena ematea otsailaren 12ra arte egongo da zabalik. Uribe Kosta eskualdeko hainbat udalerritan aspaldi abiatu ziren antzeko egitasmoak euskara elkarteen eskutik eta, orain gutxi, euskaltegien parte hartzearekin eta ez bakarrik gazteentzat, gainera. Besteak beste, hor ditugu Egizuren Berbalagun eta Sendiren Gurasolagun egitasmoak (Getxo udalerria), Berbotsen Bordatxu Gazte-txokoa (Erandio) eta Berbalamiñeren Berbalamintxo (Leioa). Argazkian, Egizuk txangoak ere antolatzen ditu berbalagunekin / Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun