Gaztesareak jakinarazi duenez, mundu osoko 50 gazte eragileren babesa jaso du gaur Segik. Horrekin batera, "Ireki aukerak independentziari, euskal gazteria aurrera!" manifestuarekin bat egin eta bihar 17:30ean Donostiako Boulebardean deituta dagoen manifestaziora joateko deia egin dute. Amnistiaren Aldeko Mugimenduak ere bat egin du gazte mugimenduaren deialdiarekin, eta Ikasle Abertzaleek ere parte hartzeko deia luzatu dute. Bitartean, Espainiako Auzitegi Nazionalak Eusko Jaurlaritzako Herrizaingo Sailari jakinarazi dio manifestazioa debekatu duela. "Deialdia egin duten pertsonek Batasunarekin eta Segirekin zerikusia dutela iritzita hartu dute erabaki hori. Herrizaingo Sailak Auzitegi Nazionalaren debekuaren berri eman dio manifestazioa deitu duen pertsonari", azaldu dute prentsa ohar bidez Lakuatik. Hori ezagututa, mobilizazioa deitu zutenek "eskandalagarritzat" jo dute debekua, Garari egindako adierazpenetan. Argazkian, Segiri babesa eman dioten munduko gazte erakundeen agerraldia / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun