Aurreko bi saiakeretan baldintzarik ez ziren egokienak, baina antolatzaileek uste osoa dute hirugarrenean, aidanez, aurtengo Oxbow Punta Galea Big Challenge txapelketa egin ahal izango dutela. Horrenbestez, Euskal Herriko Surf Federazioak bere webgunean jakinarazi duenez, igande honetarako, otsailak 11, dago deituta, 11:30ean. Gutxienez lau metroko olatuen gainean ibili beharko dute aurretik hautatuko diren 16 surflariek. Lehiaketa honen formatoa ere berezia da; txapelketa 3 edo 4 ordu besterik ez du irauten, bertan surflari bakoitzak erabakitzen du noiz sartu. Epaileek hainbat maila bereiztuko dituzte eta horren arabera hurrengoak sarituko dituzte: olatu handiena, surflari osotuena, jaitsiera deigarriena eta wipe out ederrena. 6.800 euro banatuko dira guztira, iazkoaren bikoitza. Denek jasoko dute gutxienez 200 euro. Argazkian, txapelketaren iazko edizioko irudia / EHSF.
Hauek dira Galeako olatu handiaren gainean ibili beharko diren surflariak: Eneko Acero, Iker Fuentes, Jon Garai, Peio Etxebarria, Jaime Fernandez eta Guillermo Barandiaran (Getxo udalerria); David Bustamante (Barrika); Aritxa Saratxaga (Sopela); Ibon Amatriain, Asier Muniain, Pablo Garcia, Aritz Aranburu eta Iñigo Landa (Zarautz); Mikel Agote (Orio); Julen Larrañaga (Donostia); eta Pablo Solar (Torrelavega).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun