Euskal Herriko Unibertsitateak (EHU) eta Helduen Alfabetatze eta Berreuskalduntzerako Erakundeak (HABE) Osatuz proiektua zabaltzeko lankidetza-hitzarmena sinatu dute; Osakidetzaren laguntzarekin jarri zuen abian HABEk. Osatuz, aldizkari batek, irrati programak eta webgune propio batek (www.ikasbil.net/osatuz) osatzen dute. Programa horren helburua da "osasunaren eremuan euskararen presentzia sakontzea", alor horretako profesionalei material osagarriaez hornitzeko. EHUren barnean talde handi bat dago osasunarekin harreman zuzena duena, zehatz-mehatz, Erizaintza bi unibertsitate eskoletan eta Medikuntza eta Farmazia fakultateetan. Unibertsitate iturriek azaldutakoaren arabera. "Osatuz interesgarria da ikasle, irakasle edota administrazio eta zerbitzuetako pertsonalarentzat, euskararen eguneroko erabilera hobetzen laguntzen baitu. Aldi berean, osasunaren alorrean unibertsitate barruan garatzen diren proiektuak unibertsitatetik kanpora zabaltzeko plataforma bat osatzen du proiektu honek". Argazkian, Erandio eta Leioako campuserako sarrera nagusia.
Hitzarmen honen bidez, EHUko unibertsitate eskolek, "Osatuz" aldizkariaren urteko harpidetza egin dezakete, Euskara Errektoreordetzaren laguntzarekin. Horrela, HABEk irakasle adituari eta bi ikasleei, lankidetza lanen bidez, Osatuz proiektuan parte hartzeko aukera eskainiko die, batez ere, bere aldizkarian. Gaur goizean, Eusko Jaurlaritzaren Donostiako egoitzan burutu da Osatuz proiektua zabaltzeko EHU eta HABEren arteko hitzarmenaren sinadura. Ekitaldian parte hartu dute Ludger Mees EHUko Euskara errektoreordeak, Patxi Baztarrika Eusko Jaurlaritzako Hizkuntz Politikako sailburuordeak, Joseba Erkizia HABEko zuzendari nagusiak, Jose Andres Blasco Osakidetzako Giza Baliabideen zuzendariak, Maria Concepción Fernandez EHUko Leioako Erizaintzako Unibertsitate Eskolako zuzendariak eta Pilar Tazon EHUko Donostiako Erizaintza Unibertsitate Eskolako zuzendariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun