Asteburu honetan ez dira urrunera joango, ez, Egizu Getxo Euskaldun! elkarteko kideek. "Meatzaldea gertu daukagu baina gutxitan ibiltzen gara hortik, horregatik erabaki genuen Zugaztietatik gora joatea", azaldu dute arduradunek. Ganeran (822 metro) lehenengo eta hortik Pico de la Cruz-era (803 metro) iristeko ibilbidea egingo dute, bista ederrez inguratuta, mendia, itsasoa. Hiritik oso gertu eta urrun aldi berean. "Lehengo meategiek oraindik kontatzen dituzte istorio lazgarriak, historia lazgarria, hurrengo baterako utzi beharko, azkenean ez dugu lortu bisita gidatua" diote. Animatu zaitezte, beraz, larunbat honetan, abisatu telefonoz (609 935 541) edo posta elektronikoz (egizugetxo(a bildua)yahoo.com). Betiko moduan Algortako Telletxe plazako aparkalekutik aterako dira 9:00etan. Argazkian, Ganeran gaina.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun