Sopelako taberna batean izandako lapurretaren ustezko egilea atxilotu dute Bilbon
Ertzaintzak gizonezko bat atxilotu zuen joan den asteartean Bilbon, Sopelako taberna batean lapurreta egin izana egotzita, Eusko Jaurlaritzako Herrizaingo Sailak jakinarazi duenez. Lapurreta urtarrilean izan zen: sarrerako atea indarrez ireki ondoren, lapurrak taberna barrura sartu ziren eta jolas-makina bat ireki zuten, bertan bildutako dirua osteko. Gertakarien berri izan bezain laster, Ertzaintzak ikerketa abiatu zuen eta lapurretaren ustezko egileetako bat (JM.B.V., 19 urtekoa) identifikatu zuen; horretan nahasita egon zitekeelakoan, asteartean Bilbon atxilotu zutena, hain zuzen. Urtarrilean ere Erandioko bi tabernatan izandako bi lapurretengatik atxilotu zuten. Horietako batean, "in fraganti" harrapatu zuten, Ertzaintzak zabaldutako bertsioaren arabera, ostalaritza-establezimendu horietako baten atea indarrez ireki ondoren ihes egiten saiatu zenean.
Atxilotua Ertzaintzaren egoitzara eraman zuten beharrezko izapideak egitera, eta, ondoren, aske utzi zuten, baina Agintaritza Judizialaren aurrera agertu beharko du deitzen dutenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun