Bizkaiko campusak zortzi kultur ikastaro berri eskainiko ditu bigarren lauhilekoan

"Prestakuntzak garrantzi handia dauka Euskal Herriko Unibertsitateko Bizkaiko campusak antolatzen dituen kultur jardueretan", EHUko iturriek jakinarazi dutenez. Dagoeneko zabalik dago bigarren lau hilabetekoan hasiko diren kultur talde eta ikastaroetan izena emateko epea. Zortzi dira guztira ikastaro berriak eta Bilbon eta Erandio eta Leioako campusean emango dira. Eskaintzen diren kurtsoak dira: jendeaurrean modu eraginkorrean hitz egitea (Bilbon zein Leioan), idazkera kreatiboa eta dantza garaikidea (biak Leioan), antzerkia, arabierara hurbiltzen, soinu tresnen fabrikazioa eta euren erabilera didaktikoa (Bilbon). Tailer guztietan edozeinek parte har dezake, baina UPV/EHUko ikasleek lehentasuna dute. Ikasleei aukera libreko kredituak emango dizkiete. Izen emateko epea martxoaren 23ra arte luzatuko da eta Leioako (areto nagusia; 946 012 177) edo Bilboko kultur bulegoetan (Larrako etxea, Sarriko, 946 017 142). Ikastaroak datorren astean hasiko dira. Informazio gehiago: www.ehu.es/kultura-bizkaia. Argazkian, Erandio eta Leioako campuserako sarrera nagusia.