Behin ostiral honetako osoko bilkura bukatuta, Marisa Arrue bozeramailea buru zutela, itxialdia hasi dute Getxoko PPko zinegotziek. Bertan egoteko asmoa dute gauerdira arte, "Udalean eztabaida berreskuratu dadila" exijitzeko Iñaki Zarraoa alkateari. Izan ere, "azken sei hilabetetik hona, Imanol Landa EAJren alkategai izendatu zutenetik", euren hitzetan, PPk aurkeztutako mozioak "eztabaidatuak izan daitezela galaraztea" egotzi diote udal agintariari. Horretaz gain, "oposizioko alderdien legezkotasuna onartzen ez duen bitartean, Batasuneko kide den Getxo Biziarekin eztabaidatzea" leporatu diote hirukoari (EAJ, EA eta EB-Berdeak). Oraindik orain udalbatzar aretoan jarraitzen dute bederatziek. Hala ere, Bizkaiko PPko prentsa bulegoak zabaldutako azken oharraren arabera, 22:00etarako, zinegotziak "kanporatu eta udaletxea itxi edo bihar arte bertan giltzaperatuta uzteko" agindua eman die udaltzainei Zarraoak. Itxita uzten badituzte "bahiketagatik" salaketa jarriko dutela iragarri du Arruek. Argazkian, Getxoko udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun