Presoen senideekin "modu maltxur eta ankerrean" jolastea leporatu diote Getxoko Udalari
Azken udalbatzarrean, presoei bisitan joateko diru laguntzak noiz emango dituzten galdetuta, Iñaki Zarraoa alkateak Josu Amezaga Getxo Biziko bozeramaileari emandako erantzunaren harira, Getxoko Udala gai honen inguruan daraman jarrera "lotsagarritzat" jo du Uribe Kostako Amnistiaren Aldeko Mugimenduak. Etengabe bitakoran zabaldutako adierazpenen bidez, presoen senideekin "modu maltxur eta ankerrean" jolastea egotzi die udal agintariei: "bereziki azpimarratu eta salatu nahi dugu Iñaki Urkiza Ezker Batua udal taldearen ordezkariaren jarrera. Bera da gai honen arduraduna eta presoen familiarrekin izan duen eta duen portaera lotsagarria da", azpimarratu du errepesioaren aurkako erakundeak. Argazkian, Getxoko Udalak gose greba egiteko lokala ukatu egin ziela salatu zuen Etxeratek ekimen ibiltariaren aurkezpenean.
"Iñaki Zarraoak Getxo Biziko ordezkariari emandako erantzunak argi eta garbi erakusten du Getxoko Udal Gobernu Taldeak presoen senideei egunero trufa eta barre besterik ez dietela egiten. Getxoko eta Jaurlaritzako dirulaguntzak esklusiboak dira, hau da, batean diru laguntza eskatzen bada bestean eskatzerik ez dago. Alkateak badaki hori, baina presoen familiarrak iraindu eta Espainiako Gobernuak egiten dieten estortsio ekonomikoaz barre egiteko ez dauka inongo arazorik, apartheid politikoa erabiliz Getxo Biziko ordezkariak plenoan ezer erantzuterik ez duela baliatuta", azaldu du AAMk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun