Ostiral honetan, martxoak 2, egingo zaio ongi etorri ekitaldia Pagoa Zulueta preso ohiari, Leioako Plaza Gorrian (Kurkudi herriko taberna dagoen plaza), 20:30etik aurrera. Ekitaldi politikoaren ostean herri-afaria egongo da, 22:15ean, Betiko ikastolan. Afariko txartelak 15 euro balio du, eta salgai daude Kurkudi, Ganeko eta Udondo tabernetan. Txartela erosteko epea bihar bertan, otsailaren 28arekin, itxiko da 21:00etan. Zulueta 2005eko otsailaren 9an atxilotu zuten, 14 pertsonako sarekada batean eta 4 egun beranduago fiskalak eskatuta Garzonek espetxeratu zuen. Guztiek, Espainiako Polizi Nazionalaren eskuetan inkomunikatuak izan ondoren, torturak salatu zituzten. Ia bi urte espetxeratuta izan ondoren, urtarrilaren 24an atera zuten Aranjuezen dagoen Madril VI espetxetik leioaztarra, 12.000 euroko fidantza ordaindu eta gero. Argazkian, Pagoa Zulueta / Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun