Hiru fase izaten dira: goizean Sopelako tabernetan zehar ibiliko dira taldeak, ALBEk prestatutako bertsoak entzuten eta musikariek lagundurik. Ostean, herri-bazkaria egingo dute Ander Deuna ikastolan, eta hau amaitutakoan finala jokatuko da, eguerdiko talde onenen artean.
Hauek dira irabazleentzako sariak:
- Talde irabazleari: 4 lagunentzako bi afari.
- Bigarren sailaktutako taldeari: 4 lagunentzako afaria.
- Hirugarren sailkatutako taldeari: 4 lagunentzako afaria.
- Laugarren sailkatutako taldeari: 4 lagunentzako bazkaria.
Eskuratu txapelketako oinarriak eta esaera zaharren zerrenda eta azalpena, doc formatuan.
Sopelako AEKk urtero antolatzen duen Esaera Zaharren Txapelketak badu data: aurtengo edizioa, hamalaugarrena, martxoaren 17an, larunbatarekin, izango da; martxoaren 22an Karrantzan hasi eta apirilaren 1ean Iruñean amaituko den Korrika 15aren harira antolatutako kultur ekitaldien barruan, Alfabetatze Euskalduntze Koordinakundeak jakinarazi duenez. Jada zabalik dago izena emateko epea. Parte hartzeko (10 euro taldeko) edota bazkarira joateko (16 euro) izena eman daiteke martxoaren 12ra arte nikola@aeknet.net eta aitor@aeknet.net posta elektronikoetara idatzita edo 946 764 876 telefono zenbakira deituta. Txapelketa honen oinarriak bertsoak eta esaerak dira: partehartzaileek esaera zaharretan oinarritutako bertsoak entzun eta esaera horiek zeintzuk diren esan behar dute puntuak irabazteko. Finalean, Xabi Paya Algortako Bertsolari Eskolako (ALBE) kide eta Bizkaiko txapeldunak eta Oihana Bartra Itzubaltzetako Bertso Eskolako irakasle eta Bilbo aldeko txapeldunak abestuko dute. Argazkian, iazko txapelketa irabazi zuen Badok Hamairu Berangoko eta Bilboko taldea (ezkerreko hiru lagunak).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun