Amnistiaren Aldeko Mugimenduaren oharra:
Iñaki de Juana Chaos, askatasun eskubidearen alde 115 egun gose greban daraman preso politikoa, Madrilgo ospitale penitentziariotik atera eta Euskal Herriko ospitale baterako bidean da.
Lehenik eta behin, Iñaki de Juana Euskal Herrira iristean harrera egin diezaiogun deialdi zabala luzatu nahi dugu. Harrera hau, 12:30ean Gasteizera sartzeko peajean, Etxegarateko gainean eta ospitalean egiteko deia luzatzen diegu herritarrei.
Amnistiaren Aldeko Mugimenduak ez daki zein baldintzatan dakarten Iñaki de Juana Euskal Herrira eta honi buruzko berriak izaterakoan eskainiko dugu balorapen zehatzagorik.
Amnistiaren Aldeko Mugimenduak (AAM) jakinarazi duenez, Madrilgo 12 de Octubre erietxetik atera eta Euskal Herriko ospitale baterako bidean da Iñaki de Juana preso donostiarra. Berria.infok adierazitakoaren arabera, Donostia ospitalera daramate zenbait iturriren arabera. Halabaina, Espainiako Espetxe Erakundeetako Zuzendaritzak ez du zehaztu zein erregimen aplikatuko dioten. 12:30ean emango ditu argibideak Alfredo Perez Rubalcaba Espainiako Barne ministroak. Ordu berean, gaurkoa gose greban 115. eguna presoari Gasteizko ordainlekuan harrera egiteko deialdia zabaldu du AAMk. Ordu erdi beranduago, berriz, Etxegaraten harrera egiteko deia ere zabaldu dute. Argazkian, Algortan pasa den abenduaren 29an hainbat solidariok Iñaki de Juanaren askatasuna aldarrikatzeko egindako ekimena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun