Rafa Diez LAB sindikatuko idazkari nagusiaren aburuz, Inaki de Juana Chaos euskal presoaren espetxealdia arintzeak "oxigeno apur bat ekar liezaioke egungo egoera politikoari". Espainiako Gobernuak "presoekiko mendeku politika behin betiko alde batera uztea eta beren eskubideak errespetatzeko fasean benetan sartzea ona litzateke", esan du Diezek.
Sei preso gaixo
Bestalde, Juan Mari Olano Askatasuneko bozeramaileak gogoan izan ditu oso larriki gaixo dauden sei euskal presoak, eta beraien egoera oraindik ere "Gobernu espainolaren esku" dagoela ohartarazi du. Hartara, euskal preso politikoek "dagozkien eskubideen jabe" izan behar dutela azpimarratu du. Bestalde, arratsaldean zehar beste prentsaurrekoren bat dei dezaketela jakinarazi du.
Iñaki de Juana Euskal Herrira ekartzeko erabakia "berandu, oso berandu" iritsi dela iritzi dio Juan Mari Olano Askatasuneko eledunak, baina, era berean, "pozgarria" dela esan du Gara.neti egindako adierazpenetan. De Juana aske uztea erabakiko balute, "lehentasuna, bere egoera fisikoak onera egitea" litzakeela esan du Olanok. Jone Goirizelaia Batasuneko buruzagiak, ordea, gogoratu du preso donostiarrarak esan ziola "Euskal Herrian eta aske egon bitartean ez zela jaten hasiko", hortaz, ez du uste espetxealdia arintzeak greba uztea eragingo duenik, Eitb24k zabaldutakoaren arabera. Aralarretik Jon Abril koordinatzaileordeak ere agerraldia egin du Espainiako Gobernuaren erabakiari buruzko iritzia agertzeko. Abrilek adierazi du neurria ez dela "nahikoa", "presoak gizatasunagatik kalean behar lukeelako eta bere zigorra bete zuelako". Argazkian, De Juanaren aldeko elkarretaratzea / Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun