Ikus-entzunezko jardunaldiak izango dira aste honetan Ategorri-Tartanga institutuan
Erandioko Ategorri-Tartanga institutuko Komunikazio, Irudi eta Soinu sailak Ikus-entzunezko II. Jardunaldiak egingo ditu martxoaren 7tik 9ra bitartean. Mundu horretako esparru ezberdinetan lanean diharduen jendea gonbidatuko dute euren esperientziak azaldu eta lanak erakutsi ditzaten. Antolakuntzako iturriek adierazi dutenez, ikus-entzunezkoen mundua hurbildu nahi diete bertoko ikasle, irakasle eta interesatuta dagoen orori, beraien parte-hartze zuzena bultzatuz. Hitzaldi guztiak goizeko 9:30ean hasi eta 13:30ak aldera amaituko dira. Gainera, azken egunean The Konser Bass taldeak kontzertua eskainiko du. Argazkian, ikasleak Ategorri-Tartangako errealizazio gelan.
Asteazkenean, programazio eta soinu-softwaren diseinuaz arituko da Enrike Hurtado, eta Bego Vicario EHUko irakasleak animazioa izango du hizpide. Hurrengo egunean, arte eszenikoen teknikoen elkartea izango da protagonistetako bat; gainera, Laudioko Canciller Ayala-Gregorio Marañon institutuko ikasleek karakterizazio erakusketa bat egingo dute, eta Ander Garaizabalek "Logela multimedia" hitzaldia eskainiko du, euskaraz. Azkenik, ostiralean, Bartzelonako Parabola taldea ikuskizun handien zuzendaritza tekniko eta artistikoaz arituko da, eta jardunaldiekin bukatzeko, The Konser Bass taldeak kontzertua eskainiko du 13:00etan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun