Era berean, Zarraoak ukatu du tailerren erosketa atzo Marisa Arruek esan zuen bezain erraza denik: "bere garaian, lokalak erosten saiatu ginen baina ez genuen akordio batera heldu jabe batzuekin", adierazi du alkateak. Bere ustez, desjabetezea da bide bakarra, "baina prozesu luzea izango da".
Itzubaltzeta gaztetxearen etorkizuna kolokan
Itzubaltzeta gaztetxea parke bihurtu nahi dute Zarraoak eta bere inguruak
Iñaki Zarraoa Getxoko alkateak Errekagane parkea egun dagoen Itzubaltzeta gaztetxera zabaldu nahi du, "El Correo Español" egunkariari egindako adierazpenetan irakur daitekeenez. Marisa Arrue zinegotzi popularrak atzo proposaturiko mozioari erantzun dio horrela alkateak. Bere ustez, atzo Arruek esandakoa, gaztetxea bota eta gazteentzako udal tailerrak eraikitzea, alegia, ezinezkoa litzateke: "Erreka eta Ibaien Legearen arabera, ezin dugu ezer egin Gobelatik 10 metrora, eta hortaz, ez dago lekurik gazte lokalak eraikitzeko". Horren aurrean eta gaztetxea botatzeko Getxoko PPrekin ados egonda, Arruek egindako berdeguneen beste proposamenarekin bat etorri da, popularra aipatu gabe: "gure asmoa Errekagane parkea luzatzea da". Hori bai, alkateak ez du zehaztu "gure" asmo hori EAJ, EA eta Ezker batuak osatzen duten Udal Gobernuarena, bere ingurukoena edo Imanol Landa alkategai izango duen EAJrena den.