Getxo udalerriko kirol taldeek Algortako Teknika Hobekuntzarako Zentroa erabili ahal izango dute

Getxo Rugby, Getxo Arraun eta Getxo Saskibaloia taldeek zein hainbat kirol elkarteren entrenatzailek Fadurako Udal Kiroldegiaren atzekaldean dagoen Teknika Hobekuntzarako Zentroa (THZ) erabiltzeko aukera izango dute hemendik aurrera, Getxoko Udalak eta Eusko Jaurlaritzaren Kiroletako Zuzendaritzak adostutako truke hitzarmenari esker. Hortaz, rugbylariek eta arraunlariek THZko gimnasialekuan eta saskibaloikoek kiroletako pabilioi nagusian entrenatuko dute. Gainera, udalerriko kirol taldeetako entrenatzaileei errendimendu handiko trebakuntza eskainiko die 1994an sortu zen THZk. Aipatutako onuren truke, Udalak Fadurako igeritokiko kale bat maila goreneko igerilariei utzi beharko die, astean 30 orduz. “Akordio ona da eta udalerriko kirol taldeei joko handia emango die”, esan du Iñaki Zarraoa Getxoko alkateak. Zarraoaren ustez, aipatutako taldeez gain laster “Getxo Tenis taldeko goi mailako bi neskek THZ erabili eta bertako sendagile eta prestatzaile fisikoen zerbitzuak baliatu ahal izango dituzte”.