Jose Sacristan eta Ana Labordetak “Un picasso” antzezlana emango dute bihar Getxo Antzokian
Jose Sacristan eta Ana Labordeta aktore ezagunek Jeffrey Hatcherrek idazle estatubatuarrak idatzitako lana ekarriko dute bihar Algortara. Nacho Artime gidoilariak moldatutako gaztelerazko testuan, Pablo Picasso 1941eko egun batean Pariseko Les Catalans jatetxetik irteten zela naziek atxilotu zuteneko datu ezaguna hartu eta artea, zentsura, egia, gezurra, politika, kultura eta kontsumoari buruzko trama dibertigarria eskainiko digu. Izan ere, Picasso sotoren batera eramango dute bertan galdekatu eta ustezko bere hiru koadroren benetakotasuna ziurta dezan, bere lanak jada nahiko kopiatuak baiziren. Baina, Picassok laster susmatuko du bere aurrean duen Kultur Ministerioko funtzionario artezalearen asmoa ez dela koadroak erakusketa batera eramatea, Adolf Hitlerrek agindu bezala “arte endekatuko” beste hainbat lanekin batera erretzea baizik. Sarrera 15 eurotan eros daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun