Eta hemen dago kezkagarriena, gaztetxe hau orain dela 2 urte eta erdi sortu zenetik lehenengo aldiz, Zarraoak erantzun du esanez udalaren asmoa gaztetxea botatzea dela inguruan dagoen parkea luzatzeko. Hori dela eta alarma guztiak piztu behar ditugu, 2004ko irailean egin genuen bezala. Bestalde, badakigu orain dela aste batzuk LZPren aurka azaldu ziren 3.000 pertsonek EAJ atzera egitea lortu dutela, 3.000 boto gehiegi arriskatzea baita. Gizarte honetan non dena zenbatzen den, batzutan herri adierazpen masiboek gertaeren nondik norakoak alda ditzakete eta gazte asanbladak badaki, udalak ez bezala, kalean bertan lan egin eta galdetzen duelako, Itzubaltzeta / Romoko auzokide gehienek gaztetxea jarraitzea babestu edo gutxienez errespetatzen dutela.
Gaztetxea botatzea gure auzoko herritarren babesik gabeko beste alde bakarreko udal erabaki bat litzateke. Hortaz, espazio askatu hauentzako bultzada eta errespetua exijitzen dugu, gazte gehiengo zabal batek aldarrikatzen dituelako eta herriak oro har errespetatzen dituelako. Eta, ere berean, gazteriarentzako alternatiba askeak egon ezean gaztetxea, aurretik egin bezala, irmotasunez, itxaropenez eta ausardiaz defendatuko dugula txapelgorri jaun-andereen jarrera triste, koldarra eta harroputzaren aurrean.
Itzubaltzeta / Erromoko herria, gaztetxeak behar zaituzte!
Iñigo Zuluaga / Itzubaltzeta gaztetxeko kidea
Orain dela aste batzuk Iurretako gaztetxeak pairatutako hustuketaren inpotentziaz beteriko lekuko izan ginen. Dirudienez, hauteskundeak hor gertu ditugula, udal batzuek ez dute kaleetan tentsioa eragitea arriskutsutzat jotzen. Horrelako jokaerek beraien hauteskunde kalkuluak baldintzatzen ez dituztelakoan nago. Testuinguru horretan, Getxoko PP eta EAJ haien arteko hautes-borrokan murgilduta daude eta Zarraoak (6 urtetan 9 gaztetxe eraitsi ostean bere ibilbide hondatzaileagatik saritu beharko luketelakoan nago) dio PPko Arrue eta enparauen mozioak hedabideetan baino ez dituela erantzungo, PPkoek bertan iragartzen baitituzte beraien proposamenak. Gauzak horrela, Arrue anderea orain dela egun batzuk paratu zen gaztetxearen aurrean horri buruzko proposamena botatzeko: botatzea eta udalak kudeatutako eta kontrolatutako gazte lokal baten eraikipena ala botatzea eta berdegune bat jarri. Arruek jakin badaki gaztetxeek darabilten filosofia askea dela eta, hortaz, bere lehenengo proposamena ez da bideragarria. Funtsean, egiten duena da botatzea eskatzea, besterik gabe. Argazkian, iaz egindako Gaztetxe Martxa Itzubaltzeta gaztetxearen aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun