Horrela izatekotan ez litzateke lehenengo aldia Ertzaintzak Dorretxea husten duela, 2005eko irailean, adibidez, birritan sartu zen, eta gazteek salatu zutenez “bortxakeri handia” erabili zuen, gaztetxeko kideen gorputz zaurituei ateratako hainbat argazki froga gisa aurkeztu zutela. Dorretxea husteko mehatxupean bizi da ordutik hona eta bere kideak azken asteotan datorren martxoaren 31n, goizeko 10etan, Santurtziko parketik abiatuko den lau gaztetxeren balizko desalojoen aurkako martxa prestatzen ibili dira. Izan ere, Mamarigako kultur etxea eta Santurtziko, Olabeagako eta Barakaldoko gaztetxeak husteko “mehatxupean” ei daude.
Jaialdi libertarioa
Bestalde, larunbat honetarako, martxoak 17, Uribe Kostako Ez Jaun Ez Jabe talde libertarioak jaialdia antolatu du Dorretxea gaztetxean bertan. 19:00etatik aurrera, Leioako Claro Que Si eta Rinconcete en Tu Retrete kantautoreek berotuko dute giroa. Kontzertuan, Itzubaltzeta / Erromoko Okupando Rom@, Bartzelonako Bandera Negra, Gasteizko Akrata eta Leongo Hachazo musika taldeak arituko dira. Sarrera 4 eurotan erosi ahal izango da eta dirua Ez Jaun Ez Jabeko kideei iazko Maitzaren Batean jarritako isunak kitatzera joango da.
Barakaldoko Dorretxea gaztetxea desalojatzen saiatu direla bolo-bolo ibili da
Barakaldoko Dorretxea gaztetxea desalojatzen ari direla salatu du SMS baten bitartez Euskal Herriko Gaztetxe eta Gazte Asanbladen Koordinadorak gaur goizeko 11:30ak aldera. UKBERRI.NETek koordinadoraren prentsa batzordearekin jarri da harremanetan, baina bertako kideek aitortu dute Dorretxea gaztetxetik bidalitako mezua berbidaltzea baino ez dutela egin eta saiatu arren, ez dutela lortu Barakaldoko zentro sozial okupatuaren kideekin hitz egitea. Gaztesareak, berriz, ezeztatu du kontua: "antza alarma faltsua izan omen da, jende dezente agertu da berria jakitean, baina Ertzaintzak alde egin du, hori da esan digutena. Hala ere, mehatxuak bertan dirau, eta gaurkoa ikusita, baliteke egun hauetako batean izatea desalojoa". Argazkian, 2005eko irailaren 6an Dorretxeko kideek kanporaketa saiakera baten ostean emandako prentsaurrekoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun