Marian Perez Algortako preso politikoari Martutene espetxetik zein telefono zenbakietara deitzen duen justifikatzeko fakturak edo erreziboak aurkeztea eskatu diote, "aurretik telefono zenbaki horiei hots egiteko inongo arazorik izan ez badu ere", Uribe Kostako Amnistiaren Aldeko Mugimenduak Etengabe bitakoraren bitartez salatu duenez. Orain, ordea, arazoak izan ditu abokatuarekin hitz egiteko eta bere familiari deitzeko ere faktura horiek aurkeztu beharko dituela esan diote", gaineratu du errepresioaren aurkako erakundeak. Bestalde, ostiralean, iluntzean, kontzentrazioak egingo dira herri eta auzoetan presoen eskubideen alde. Besteak beste, Leioako Boulevardean eta Algortako Telletxe plazan izango dira elkarretaratzeak, 20:00etan. Argazkian, iazko martxoko azken ostiraleko elkarretaratzea Algortan.
Bestela, Perezek espetxe zigorraren likidazio osoa ekainaren 30erako badu ere, errekurrituta dauzkan bi hilabeteko erredentzioarekin lehenago irten beharko zen kalera. "Zain dago epaileen erabakia jakiteko, baina itxura guztien arabera, ebazpena atzeratu eta ekainera arte egon daiteke irten gabe", AAMren ustez. Txetxu Fernandez, berriz, otsailean itzuli zen Burgoseko espetxera, 2006ko maiatzetik Madrilen izan ondoren. Madrilen egin duen denbora guztia bakartua egin du preso algortarrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun